12-14 oktyabr tarixlərinə olan aqrometeoroloji proqnoz

Oktyabr ayının 12-14 tarixlərində respublikanın əksər bölgələrində arabir yağış yağacağı, ayrı-ayrı yerlərdə leysan xarakterli intensiv və güclü olacağı, dolu düşəcəyi ehtimalı var. Qərb küləyi 5-10 m/san, arabir 15-18 m/san,gündüz ayrı-ayrı yerlərdə 20-25 m/san-dək güclənəcək.

Proqnozlaşdırılan yağıntılar torpağın rütubət ehtiyatını artıracaq, biçilmiş otlaq bitkilərində növbəti boyatmanı sürətləndirəcək. Lakin gözlənilən intensiv və leysan xarakterli yağıntılar pambıq bitkisi üçün əlverişsiz olacaq, belə hava şəraiti yetişmiş pambıq xammalının tez və itkisiz yığılmasını çətinləşdirəcək və məhsuldarlığın aşağı düşməsinə şərait yaradacaq. Güclü külək və dolu hadisəsi meyvə ağaclarında yetişmiş meyvələrin zədələnməsinə və yerə tökülməsinə səbəb olacaq.

Ayrı-ayrı yerlərdə gözlənilən leysan xarakterli yağıntılar və güclü külək aqrotexniki işlərin aparılması üçün uyğun olmayacaq.