Milli Hidrometeorologiya Xidmətinin mayın 3-ü saat 22:00-a olan məlumatına əsasən ölkə ərazisinin bəzi yerlərində yağıntılı və küləkli hava şəraiti davam edir.

Belə ki Naxçıvan, Şərur, Şahbuz, Xaltan, Şahdağ, Göyçay, Salyan, Xınalıq, Naftalan, Göygöl, Mingəçevir, Neftçala, Goranboy, Oğuz, Tərtər, Ağdam, Bərdə, Şəki, Lənkəran, Yardımlı və Astarada arabir şimşək çaxır, leysan xarakterli yağış yağır.

Bəzi ərazilərdə qərb küləyi əsir, küləyin maksimal sürəti Altıağac və Neftçalasa 20, Bakıda və Abşeron yarımadasında isə 16 m/s-dək güclənir.