İqtisadi İslahatların Təhlili və Kommunikasiya Mərkəzinin həyata keçirdiyi “GreenTalk” layihəsi çərçivəsində keçirilən tədbirdə Milli Hidrometeorologiya Xidmətinin İqlim dəyişmələri mərkəzinin direktor müavini Aygün Nərimanova könüllülərə iqlim dəyişikliyinin əsas səbəb və nəticələri, qlobal istiləşmə, iqlim fəaliyyəti və Azərbaycanda iqlim dəyişiklikləri haqqında ətraflı məlumat verib.

 

O, həmçinin yaşıl iqtisadiyyatın dünyada və Azərbaycanda inkişafı, ölkəmizdə bu sahədə aparılan əsaslı islahatlar, bərpa olunan enerji mənbələri, Qarabağ, Şərqi Zəngəzur və Naxçıvanın “yaşıl enerji” zonası elan olunması haqqında danışıb.

Görüşdə tələbələrin bu sahədə ixtisaslaşması, kadr potensialının gücləndirilməsi və beynəlxalq iştirakçılığın artırılmasının əhəmiyyəti vurğulanıb. Gənclər mövzu ilə bağlı fikirlərini bölüşüb, onları maraqlandıran suallar cavablandırılıb.

Qeyd edək ki, görüşdə "MEDİA Könüllüləri" proqramı, "Bir Könüllü" Tələbə Təşkilatı, "Ailəm könüllüləri" proqramı, Ekokönüllü, "Miqrasiya könüllüləri", “Könüllü Dost”, “Aqrar İnkişaf könüllüləri”, "SOCAR könüllüləri", “Könüllü Qida Nəzarətçisi”, “İslahat könüllüləri”, "Regional İnkişaf" İctimai Birliyinin könüllüləri və Xəzər Universitetinin tələbələri iştirak edib.