Ekologiya və Təbii Sərvətlər Nazirliyinin Milli Hidrometeorologiya Xidmətinin iyunun 01-i saat 09:00-a olan məlumatına əsasən əksər rayonlarda hava şəraiti qeyri-sabit olub, şimşək çaxıb, arabir leysan xarakterli yağış yağıb, güclü şimal-qərb küləyi əsib.

Düşən yağıntının miqdarı: Balakəndə 45.0 mm (aylıq normanın 36%-i), Şəkidə 42.0 mm (aylıq normanın 41%-i), Qaxda 41.0 mm (aylıq normanın 40%-i), Qubada 32.0 mm (aylıq normanın 59%-i), Göyçay 28.0 mm (aylıq normanın 45%-i), Oğuzda 28.0 mm (aylıq normanın 27%-i), Şahdağda 24.0 mm (aylıq normanın 44%-i), Daşkəsəndə 20.0 mm, Qəbələdə 14.0 mm, Zaqatalada 13.0 mm, Astara, Bərdə, Tərtər, Qrız, Qusar, Mingəçevir, Şəmkir, Ağdam, Naftalan, Şərur, Lerik, Yardımlı, Şahbuz, Lənkəran, Biləsuvar, Yevlax, Xaltan, Zərdab, Altıağac, Ağstafa, Naxçıvan, Ordubad, Sədərək, Göygöl, Gəncə, Tovuz, Sabirabad, Neftçalada 8.0 mm-dək olub.

Dolu: Mayın 31-i saat 13:50 radələrində Qazax rayonunun Quşçu Ayrım kəndinə, saat 14:00 radələrində Fərəhli kəndinə diametri 10-12 mm, saat 15:47-15:57 radələrində Şəmkir rayonunun Yuxarı Seyfəli və Çinarlı kəndlərinə diametri 10-12 mm, saat 16:54-16:56 radələrində isə Balakən rayonunda xırda dənəli dolu düşüb.

Külək: Mayın 31-də qərb küləyi arabir Ağdam, Göyçayda 28 m/s, İsmayıllıda 24 m/s, Zaqatala, Naxçıvan, Cəfərxan, Tovuz, Zərdabda 20 m/s, Daşkəsən, Şəmkir, Salyan, Tərtər, Mingəçevir, Gədəbəydə 18 m/s, Sabirabadda 17 m/s, Beyləqanda 16 m/s, Şərurda 15 m/s, Bakıda və Abşeron yarımadasında 17 m/s-dək güclənmişdir.

Ölkə ərazisində müşahidə olunan qeyri-sabit, yağıntılı hava şəraiti iyunun 03-ü gündüzədək davam edəcək. Bəzi yerlərdə arabir yağış yağacağı gözlənilir. Ayrı-ayrı yerlərdə yağıntıların leysan xarakterli intensiv olacağı, şimşək çaxacağı, dolu düşəcəyi ehtimalı var. Qərb küləyi ayrı-ayrı yerlərdə arabir 20-25 m/s-dək güclənəcək.