Ekologiya nazirliyinin hidrologiya mərkəzinin direktoru Asif Verdiyevin məlumatına əsasən hava şəraitinin uzunmüddət yağmursuz və quraq keçməsi, eyni zamanda su səthində buxarlanmanın artması nəticəsində tranzit çaylarda sululuq normadan 47%, yerli çaylarda isə 20% aşağı olmuşdur.

Sentyabrın 6-dan 8-i gündüzədək gözlənilən yağışlarla əlaqədar əksər çaylarda sululuğun artacağı gözlənilir. Dağlıq və dağətəyi rayonlarda yağışın intensiv və leysan xarakterli olacağı ilə əlaqədar Böyük Qafqazın Balakən-Şəki, Oğuz-Qəbələ, Quba-Xaçmaz, Kiçik Qafqazın Daşkəsən-Gədəbəy, Goranboy-Göygöl, Qazax-Gəncə bölgələri və Lənkaran-Astara bölgəsinin bəzi çaylarından qısamüddətli sel keçəcəyi ehtimal olunur.